«Ырыа- олох аргыһа» Тойбохойго Ырыа күнэ

Бүгүн, сайыҥҥылыы куйаас күҥҥэ нэһилиэкпитигэр Ырыа күнүн бэлиэтээтибит. Оскуола иннигэр мустубут оҕолору, кѳрѳѳччүлэри эҕэрдэлээн онтон бастакыттан уон биирис кылаас үѳрэнээччилэрин распевкалатан тэрээһин уратытык саҕаланна.

Ырыа куттаах “Дуораан” ансаамбыл кыттыылаахтара эҕэрдэлээн ырыа бэлэхтээтилэр.

Ырыа, музыка кэрэ эйгэтин тарҕата сылдьар, ытыктыыр учууталбыт РСФСР норуотун үөрэҕириитин туйгуна, Саха Ѳрѳспүүбүлүкэтин култууратын үтүөлээх үлэһитэ, Саха Ѳрѳспүүбүлүкэтин “Гражданскай килбиэн”бэлиэ туһааннааҕа, Саха Ѳрѳспүүбүлүкэтин үөрэҕириитин ситимин бочуоттаах ветерана, Сунтаар улууһун бочуоттаах гражданина, Тойбохой нэһилиэгин бочуоттаах олохтооҕо, Учууталлар учууталлара Клара Степановна Тихонова ырыа күнун туһунан кэпсээн, мустубут оҕолору, кѳрѳѳччүлэри күргүѳмүнэн “Сунтаар ѳрѳгѳйүн ырыатын”, “Пусть всегда будет солнце” ырыалары ыллатта. Бары оҕо эрдэхпититтэн билэр “Пусть всегда будет солнце” ырыаҕа Александр Васильевич. Ньургуйаана Алексеевна уолунаан Роберт Сидоровтыын запевалалаатылар.

Ньургуһун силигилээн ситэн самаан сайыммыт ырыаннан уһуктар кэмигэр Ырыа күнүн бары бииргэ атаардыбыт.