Тойбохой нэһилиэгин уйгулаах ыһыаҕа

Бэс ыйын 12 күнүгэр сир-дойду сириэдийэ ситэн турдаҕына Тойбохойбут ытык сиригэр Уйгулаах ыһыах ыһылынна.

         Үлэни ѳрѳ туппут, ырыа – тойук аргыстаах, ыалдьытымсах дьоннордоох Тойбохойбут нэһилиэгэ ыраахтан – чугастан кэлбит ыалдьыттары, биир дойдулаахтарбытын, умнубат уруу – аймах дьоннорбутун, ыһыах ыалдьыттарын уруйдаан сып-сылаас, мип-минньигэс алаадьыннан күндүлээтибит. Ыһыах ыалдьыттара ситии быаҕа ѳҥнѳѳх лиэнтэлэри баайан дойду иччитигэр сүгүрүйэн, үүнүүлээх дьылы, уйгу – быйаҥ олоҕу көрдөьѳн баҕа санааларын эттилэр.

         Түҥ былыргы саҕаттан, үрүҥ күн үтүөтүн иҥэринэн, аламай күн абыралын ылынан, түмсүһэр түһүлгэбитигэр түптэлээн, унаар буруону субуйа тардан, чуумпуран, иһийэн алгыс иччилээх тылларын истэн, Айыыларбыт үтүө сырдык күүстэрин алгыстаах тыыннарын иҥэриннибит.

            Саха сиэрин быһыытынан, Айыы күүһэ иҥэриллибит кымыһынан, алгыстаах алаадьыннан нэһилиэкпит олохтоохторун, ыалдьыттарын айах тутан күндүлээтибит.

         Ыҥырыылаах ыалдьыппыт  Сунтаар улууһун ыччат политикатын отделын салайааччыта Трофим Алексеевич Иванов эҕэрдэлээтэ.наҕараадалары туттарда.

         Күүтүүлээх түьулгэбитигэр бииргэ буолбучча сиэтиспитинэн оһуохайга киирдибит. Оһуохайы таһаарда Дархан этээччибит, кэрэ куоластаах, хомоҕой тыллаах Лилия Дмитриевна Михайлова. Оҕолортон Дима Васильев, Корнилова София, Диана Егорова оһуохайдаан киэргэттилэр.

         Оскуола алын сүһүѳх кыргыттарыгар “Кэрэчээнэ Куо”, “Толбоннурар үһун суһуох” күрэхтэр буоллулар.

         Оһуор-ойуу киэргэллээх саха таӊаһын кѳрүү-күрэһэ иистэнньэҥ, саха тѳрүт таҥаһын кѳҕүлээбит, оһуохайдьыт, хомусчут Чоросова Анастасия Семеновна – Чооруос Настаа тѳрѳѳбүтэ 100 сылыгар ананан тэрилиннэ.

         Анастасия Семеновна 70-90 сылларга сахалыы таҥас умнуллан эрэр кэмигэр ѳбүгэ ситимэ симэлийбэтин, саха буоларбытын умнуо суохтаахпыт диэн сахалыы таҥаьы дьиэ кэргэнинэн тиктэн кэтэри кѳҕүлээбит. Анастасия Семеновна иистэнньэҥ эрэ буолбакка улуус, нэһилиэк тэрээһиннэригэр оһуохайдыыра, хомустуура.Күрэс дьиэ кэргэн бөлөҕүнэн сахалыы таҥаһа,   сахалыы дьахтар таҥаһа, эр киһи таҥаһа уонна сахалыы стилизованнай таҥас кѳрүҥнэригэр буолла.

         Дьахтар сахалыы таҥаһын күрэһигэр иккис миэстэни Раиса Иванова кыайыылаах Маргарита Васильевна, эр дьон таҥаһын күрэһигэр Николай Егоров, Николай Тотонов, Виктор Грязнухин, Юрий Мыреев кытыннылар. Сахалыы стилизованнай танас күрэһигэр үһүс миэстэ — Ольга Иванова, иккис Порядина Сахаяна, кыайыылаах Сахайаана Егорова буолла. Дьиэ кэргэнинэн танас кѳруу-күрэһигэр элбэх оҕолоох эдэр ыал Айаал, Таня Васильевтар кыайыылаах буолан ларь морозильник хаһаайыттара буоллулар.

Кѳрүҥнэринэн бастакы, иккис миэстэ бириистэрин Анастасия Семеновна аймахтара, оҕолоро, хос сиэннэрэ туруордулар. Сахалыы таҥас күрэһигэр сыыдам сырыылаах нэһилиэкпит таксистара кыттыспыт үптэринэн Анна Михайловна остуол ылан астык бириис буолла. Ыһыах тэрээһинигэр спонсордаабыт дьоммутугар, урбаанньыттарга: Антонида Николаевнаҕа, ИП Стручкова А.И. махтал.