Тойбохойго күѳх харыйа уота күлүмүрдүү сандаарда

“Кыһын Саха сириттэн саҕаланар” бэстибээл чэрчитинэн Сахабыт сирин үрдүнэн күѳх харыйа күлүмурдүү сандаарар үѳрүүлээх күнүгэр нэһилиэкпит күѳх харыйатын уотун уматтыбыт. Кулууп дьиэтин иннигэр үѳрүүлээх түгэни мүччү тутумаары оҕо -аймах тоҕуоруһа мустан тэрээһин үѳрүүлээхтик саҕаланна.

Хотугу Муустаах муораттан чысхаан тыал аргыстаах Тымныы о5онньор Хаарчаана сиэнинээн айаннаан кэлэннэр харыйабыт уотун сандаарда уматтылар. “Үрдэл” ыччат бѳлѳҕѳ үҥкүүлээн, улаханныын – кыралыын уоттаах харыйа тула хороводтаан, кырачааннар хоһоон ааҕан ахсынньы ый тымныытыттан куттаммакка үѳрэн -кѳтѳн Саҥа дьыл аптаах- алыптаах түгэнин астылар. Онтон кырачааннарга үрүҥ эһэчээн туһунан ойуулук кѳрдѳрдүлэр.

Кэлэн иһэр 2026 сылбыт саха дьонугар ордук чугас  Дьѳһѳгей бэлиэлээх сыл. Саха омукка сылгы барахсан ытыктанар кыыл. Кэлэр сыл биһиэхэ үтуѳнү эрэ түстээтин, кэскиллээҕи эрэ кэрэһэлээтин!