«БААЙ БАРЫЫЛААХ БАЙАНАЙ» эр дьоҥҥо уонна уолаттарга аналлаах күрэх буолла

Байанай ыйынан «БААЙ БАРЫЫЛААХ БАЙАНАЙ» эр дьоҥҥо уонна уолаттарга аналлаах күрэх буолан ааста. Күрэххэ биэс эр бэртэрэ, биэс уол хамаандаҕа арахсан кытыннылар. Илин – кэлин түсүһэн оҕунан, спортивканнан сыал ытан, викторина5а эппиэттээн, автомат саа таҥан- ыһан күрэхтэстилэр.

Күрэх түмүгүнэн Семенов Анатолий Иванович уолунаан «Сэмиэнэптэр» хамаанда 1 миэстэ, Никитин Андрей Николаевич, Николаев Егор «Буранистар» хамаанда  – 2 миэстэ, Тихонов Игорь Иванович, Уаров Михаил хамаандалара – 3 миэстэ буоллулар. Нэһилиэк дьаһалтата туруорбут бириистэринэн, грамотаннан наҕараадаланнылар.

Күрэх кэмигэр «Сорсуннаах сонордьут, байанайдаах булчут» фотовыставкаҕа Тимофей Федотович, Айаал Радомирович, Сергей Николаевич, Ян Трофимович, Иннокентий Елисеевич, Валентин Александрович бултуу сылдьан туһэрбит хаартыскаларын аҕалан кытыннылар. Таксидермист Иннокентий Елисеевич оҥорбут чуучалалара элбэх киһини сѳхтѳрдѳ. Быһыылара, кѳрѳн, туттан тураллар тыыннаах курдуктар.  

Сорсуннаах сонордьуттар, байанайдаах булчуттар Николаев Петр Александрович, Корнилов Ян Трофимович, Николаев Петр Михайлович, Егоров Тимофей Федотович, Тимофеев Алексей Ермакович, Винокуров Владимир Николаевич, Максимов Валентин Александрович, Саввинов Иннокентий Елисеевич Байанай бэрсибит булдуттан бэрсэннэр, култуура киинин үлэьиттэрэ астаан нэһилиэкпит дьонун күндүлээтибит. «Баай Байанай бэлэ5э» булт аһын быыстапкатыгар ыһаарыламмыт собо, ыһаарыламмыт сыалыһар, кус-хаас, мас кѳтѳрүн этэ, тыатаа5ы, тайах, таба, куобах, тииҥ этэ араас ньыманнан буһаран, киэргэтэн уурдубут. Сыт таЬааран алаадьылаан, итии чэйдээх тэрээһиммит ыалдьыттарын кѳрүстүбүт.

Тэрээһиммитигэр кыттыспыт нэһилиэкпит олохтоохторугар, тэрилтэлэрбитигэр махтанабыт.