«Сайылык оҕолорун оонньуута» кѳрдѳѳх тэрээһин буолла

Кѳмүс чыычаахтарбытын – күндү оҕолорбутун Аан дойдуга оҕо кѳмүскэлин күнүнэн, самаан сайын кэлбитинэн истиҥник эҕэрдэлээн, кѳрдѳѳх оонньуулары оонньотон, таабырын таайтаран оҕолордуун тэҥҥэ үѳрсэн бэлиэтээтибит.

Эҕэрдэ кэнсиэри киэргэттилэр “Ньургуһун” уһуйаан иитиллээччилэрэ Дана Спиридонова, Милена Герасимова, бастакы кылаас үѳрэнээччитэ Тимур Иванов, алын кылаас кыргыттара “Орой мэник эрдэххэ” ырыаннан.

Чугдаарар чуорааннар!

Чуопчаарар чыычаахтар!

Сып-сылаас минньигэс мичээрдэр,

Сирдээҕи кэрэчээн дьиктилэр

Эриэккэс сиэдэрэй симэхтэр,

Дьолунан толору чөмчүүктэр

Олоҕу суолталыыр ымыылар.

Айыыһыт бэлэҕэ-оҕолор,

Үөрүүнү бэлэхтиир аанньаллар,

Сүрэхпит чопчута-оҕолор

Удьуору утумнуур кэскиллэр.

Өрүү сылаас күн баар буоллун,

Өрүү дьоллоох оҕо саас баар буоллун!

Өрүү ыраас халлаан биһигини арыаллаатын!

Оҕолорбутугар элбэх үѳрүүнү, дьоллоох оҕо сааһы баҕардыбыт.